MoroNew

2/27/2013

CHEKI PICHA AZAM WAKIFANYA MAZOEZI CHAMANZI LEO ASUBUHI KUJIANDAA NA MECHI YA MARUDIANO NA WASUDAN

YANGA YAIBUTUA KAGERA 1-0 CHEKI PICHA ZA MAMBO YALIVYOKUWA TAIFA

Simon Msuna wa Yanga akichuana na Malegesi Mwangwa wa Kagera Sugar, timu zao zilipomenyana leo kwenye Uwanja wa Taifa, Dar es Salaam. Kagera ilefungwa bao 1-0. Picha zaidi ni mpambano huo.

Simon Msuna na Muganyizi Martin wa Kagera Sugar

Said Bahanuzi wa Yanga na Benjamin Asukile

Frank Domayo wa Yanga na Daudi Jumanne

Haruna Niyonzima wa Yanga na Ally Abdulkareem

Simon Msuna wa Yanga na Malegesi Mwangwa

Haruna Niyonzima wa Yanga na Muganyizi Martin

Didie Kavumbagu wa Yanga na Juma Nade

Kavumbagu wa Yanga aakiwa amelala baada ya kudaiwa kukwatuliwa kwenye eneo la hatari mwa Kagera Sugar. Hata hivyo penati iliytotolewa licha ya kusababisha ubishi lakini haikuza matunda baada ya mchezaji wa Yanga aliyeipiga kuipaisha.

Refa akibishana na wacxhezaji wa Kagera kwa ajili ya penati hiyo

Mashabviki wa Yanga. PICHA ZOTE NA NKOROMO BLOG

Ushindi huo unaifanya Yanga ifikishe pointi 42, baada ya kucheza mechi 18, hivyo kujitanua kileleni mwa Ligi Kuu, ikiizidi Azam FC kwa pointi sita, ambayo inashika nafasi ya pili kwa pointi zake 36, wakati mabingwa watetezi, Simba SC wanashika nafasi ya tatu kwa pointi zao 31.

Kagera inabaki na pointi zake 28 katika nafasi ya tano, baada ya kucheza mechi 19, chini ya Coastal Union ya Tanga inayoshika nafasi ya nne kwa pointi zake 30.

Katika mchezo huo uliochezeshwa na refa Simon Mberwa kutoka Pwani, aliyesaidiwa na Milambo Tshikungu wa Mbeya na Said Tibabimale kutoka Mwanza, hadi mapumziko, hakuna timu iliyofanikiwa kuona lango la mwenzake.

Hata hivyo, mshambuliaji wa kimataifa wa Burundi, Didier Kavumbangu aliikosesha timu yake bao, baada ya kupiga juu ya lango mkwaju wake wa penalti dakika ya 44.

Refa Mberwa, alitoa penalti hiyo baada ya Kavumbangu mwenyewe kudakwa miguu kwenye eneo la hatari na kipa wa Kagera, Mganda Hannington Kalyesebula.

Kipindi cha pili timu zote zilifanya mabadiliko, Yanga inayofundishwa na Mholanzi, Ernie Brandts ikiwatoa Kavumbangu na Bahanuzi na kuwaingiza Jerry Tegete na Mganda Hamisi Kiiza, wakati Kagera inayofundishwa na mzalendo, Abdallah Kibadeni, iliwatoa Mnigeria Darlington Enyinna na Julius Mrope na kuwaingiza Paul Ngway na Themi Felix.

Mabadiliko hayo yaliongeza uhai kwa kila upande na kuongeza kasi na ladha ya mchezo, lakini bahati hii leo ilikuwa kwa wana Jangwani, kutokana na kupata bao pekee la ushindi lililofungwa na kiungo wa kimataifa wa Rwanda, Niyonzima.

Niyonzima alifunga bao hilo dakika ya 65, baada ya kumhadaa kiungo wa Kagera, George Kavilla na kufumua shuti kali akiwa umbali wa mita 25, lililomshinda kipa wa Kagera, Kalyesebula.

Halikuwa na tofauti sana na bao pekee la ushindi alilofunga kwenye mchezo uliopita wa timu yake dhidi ya Azam FC, Uwanja huo huo wa Taifa, Jumamosi iliyopita.

Mshambuliaji wa zamani wa Simba, Shijja Mkinna alikosa bao la wazi dakika ya 89, baada ya kupewa pasi nzuri na Paul Ngway, lakini akapiga juu ya lango.

Hiyo ilikuwa nafasi pekee ya kujutia kwa Kagera ambao leo iliitoa jasho Yanga. Jerry Tegete naye alikosa bao la wazi dakika ya 87, akishindwa kuunganisha krosi ya Simon Msuva.

Kwa ushindi huo, Yanga imelipa kisasi cha kufungwa 1-0 na Kagera katika mchezo wa kwanza wa ligi hiyo, mwishoni mwa mwaka jana mjini Bukoba.

Katika mchezo huo, kikosi cha Yanga SC kilikuwa; Ally Mustafa ‘Barthez’, Mbuyu Twite, Oscar Joshua, Nadir Haroub ‘Cannavaro’, Kevin Yondan, Athumani Iddi ‘Chuji’, Simon Msuva, Frank Domayo, Didier Kavumbangu/Hamisi Kiiza dk67, Said Bahanuzi/Jerry Tegete dk 67 na Haruna Niyonzima.

Kagera Sugar; Hannington Kalyesebula, Benjamin Asukile, Martin Muganyizi, Malegesi Mwangwa, Amandus Nesta, Gaorge Kavilla, Julius Mrope/Paul Ngway dk 62, Juma Nade, Darlington Enyinna/Themi Felix dk 69, Shijja Mkinna na Daudi Jumanne.

2/24/2013

HUYU BINTI ANYWA SUMU YA PANYA BAADA YAKUFANYA VIBAYA MTIHANI WA KIDATO CHA NNE

MWANAFUNZI ALIYEMALIZA KIDATO CHA NNE 2012 KATIKA SHULE YA SEKONDARI YA BUSHIRI WILAYA YA PANGANI MKOANI TANGA, BI- MPAJI SAIDI, AKIWA AMELAZWA HOSPITALI PANGANI BAADA YA KUNYWA SUMU YA PANYA KWA MADAI YA KWAMBA AMEPATA AIBU KWA MATOKEO MABAYA ALIYOYAPATA YA KIDATO CHA NNE..!!

Hii ndio shule ya Mibuyuni: Shule iliyoshika nafasi ya mwisho kidato cha nne kitaifa

MATOKEO ya Mtihani wa Kidato cha Nne mwaka 2012 yaliyotangazwa mwanzoni mwa juma, yanaendelea kutawala mijadala mbalimbali kila kona.

Sababu kubwa ya mijadala hiyo kutawala yaweza kuwa ni takriban kila familia kuguswa kwa njia moja ama nyingine na matokeo hayo.

Katika matokeo hayo karibu shule zote za umma zimefanya vibaya, zile za kata zikiongoza katika kufelisha, huku ile ya Mibuyuni iliyopo Kilwa mkoani Lindi ikiwa ya mwisho kabisa katika kundi la shule zenye zaidi ya wanafunzi 40.

Mkuu msaidizi wa shule hiyo Robart Mzumbi, alisema kuwa matokeo hayo yalitarajiwa kwa kuwa tangu wanafunzi hao walipoandikishwa kidato cha kwanza, hawakuwa wamefaulu.

Alibainisha kuwa, matokeo ya kidato cha pili ya wanafunzi hao walipofanya mtihani wa taifa mwaka 2010, yalikuwa kiashiria kingine kwamba, hata kwenye matokeo ya mtihani wa kidato cha nne wanafunzi hao hawatafanya vizuri.

Pamoja na hayo, Mzumbi anaeleza kwamba kwa kuwa lengo lao lilikuwa ni kuhakikisha wanafundisha watoto hao na mwisho wafanye vyema, matokeo hayo yamewasikitisha kwa kiasi kikubwa.

Alitaja upungufu wa walimu na umaskini wa kipato kwa jamii inayozunguka shule hiyo kuwa ni moja ya sababu kubwa zilizosababisha matokeo hayo mabaya.

Mwalimu huyo alibainisha kwamba idadi kubwa ya wanafunzi wanaosoma katika shule hiyo hujishughulisha zaidi na biashara ndogo ndogo, badala ya kusoma.

Aliweka wazi kuwa, shule hiyo ilikuwa ya mwisho kati ya shule 3,392 zenye watahiniwa 40 na kuendelea, wakati watahiniwa hao wa mwaka 2012 walipochaguliwa kuingia kidato cha kwanza mwaka 2009, ambapo walikuwa na alama za chini.

Aliongeza kuwa wanafunzi hao walichaguliwa kuanza kidato cha kwanza wakati tayari wengi wao walishaanza kufanya biashara ndogondogo, hivyo walikusanywa kutoka huko mitaani na kupelekwa shule.

“Ndugu yangu shule yetu huwa inafanya vizuri kidogo, angalia matokeo ya kidato cha pili mwaka huu Sekondari ya Mibuyuni imekuwa ya 115 kati ya shule 242 za Kanda ya Kusini, wanafunzi wanane wamefaulu kati ya 25 waliofanya mtihani. Lakini kwa matokeo ya kidato cha nne, kwa kweli wanafunzi waliochaguliwa mwaka 2009, hawakuwa na sifa bali waliokotwa tu ili kujaza darasa,” alisema na kuongeza:

“Hata mtihani wa kidato cha pili mwaka 2010, walifanya vibaya sana na shule hii ilikuwa ya pili kutoka mwisho.”

Mzumbi alisema kwamba shule hiyo inakabiliwa na changamoto mbalimbali ikiwamo kukosa maabara, upungufu wa walimu wa sayansi, usafiri na umeme wa uhakika.

Pia ina ukosefu wa maji, nyumba za walimu, mabweni kwa ajili ya watoto wa kike, pamoja na shule kujengwa mbali na makazi ya wananchi.

Alieleza kuwa wanafunzi wengi wanaosoma katika shule mbalimbali za Mkoa wa Lindi, hulazimika kutembea umbali mrefu kutoka nyumbani kwenda shuleni.

source:mwananchi.co.tz